Hilbijartinên serokdewletiya welatên Başûrê Amerîka Ûrûgayê, namzetê tifaqa çep Tabaré Vazquez qezenç kir. Bi serketina Vazquez re namzetên çep a cara sêyemîn e li dû hev tên hilbijartin. Vazquez yekemîn serokdewletê çepgir e ku di navbera salên 2005-2010 de ev wezîfe meşand.

Li gorî encamên destpêkê yên tûra duyemîn a hilbijartinên serokdewletiyê yên Ûrûgayê, namzet Tabaré Vazquez ê ji tifaqa partiyên çep, sosyalîst û demokratên Xiristiyan Frente Amplio destek digirt, bi ser ket. Li gorî encamên ji sindoqan Vazquez ji sedî 53 heta 54 ê dengan wergirt, namzetê partiyên rastgir Luis Lacalle Pou ji sedî 40,6 heta 42 ê dengan stend.

Li Ûrûgay a xwedî 2,6 mîlyon hilbijêrên qeyidkirî, ji ber bikaranîna dengan ji neçarî ye, beşdariya li hilblijartinê di ser ji sedî 80 bû. Di tûra yekemîn a hilbijartinê de Vazquez ji sedî 48, hevrikê wî Luis Lacalle Pou ji sedî 30 ê dengan wergirtibûn.

Tabaré Vazquez ku wê di Adara 2015'an de wezîfeyê ji José Mujica wezîfeyê dewir bigire, di hilbijartinên 2004'an de bi ser ketibû û weke yekemîn serokdewletê çepgir ê Ûrûgayê di navbera salên 2005-2010 ev wezîfe meşandibû.