Meclîsa Şengalê ya Derveyî Welat (MŞD) bi daxuyaniyeke nivîskî 19’ê Tîrmehê destpêka Şoreşa Rojava pîroz kir.

Di daxuyaniyê de ev tişt hatin diyarkirin:

“ Em 5 saliya salvegera Şoreşa Rojava li hemû gelên demokrasîxwaz, gelên ku wekhevî û biratiya gelan diparêzin û li dijî desthilatdarî û faşîzmê ne, pîroz dikin. Em vê şoreşa ku li ser paradîgmaya Rêber Apo ava bûye û hemû netewe û gelên din jî diparêze, li Rêber Apo pîroz dikin.

Wekî ku tê zanîn Fermana Şengalê di 3’ê Tebaxa 2014’an de rûda. Civaka Êzidî ji aliyê PDK’ê ve nehat parastin û civaka Êzidî rastî gelek karesatên mezin hat, lê lehengên li ser rêya paradîgmaya Rêber Apo xwe gihandin civaka Êzidî û ew ji mirinê rizgar kirin.

Em, Meclîsa Şengalê ya Derveyî Welat salvegera şoreşa Rojava û Bakurê Sûriyeyê pîroz dikin û dibêjin serkeftin a gelê Kurd e. Em ê li Efrîn, Şengal û hemû parçeyên Kurdistanê li dijî êrîşên AKP’ê xwedî li destkeftiyên xwe derkevin. Çawa ku ew li Kobanê û Şengalê bi ser neketin wê ne li Efrînê û ne jî li ti dera cîhanê bi ser nekevin.”