Bi boneya 1’ê Gulanê Roja Karker û Kedkarên Cîhanê, gelek karker û endamên Komeleya Ciwanên Şoreşger ên xwestin biçin Qada Taksîmê polîsan êrîşî wan kirin. Polîsên ku xwestin ciwanên pankarata bi nivîsa “Em qedexeya Taksîmên nas nakin” vekirin asteng bikin, 4 kes destgîrkirin. Navê kesên hatin destgîrkirin wiha ne: Hakan Butun, Arzûm Gunduz, Metîn Coşkûn û Ahmet Edîz Kanûr e.

Dîsa li aliyê din li aliyê Temîratxaneya li Taksîma Nû 4 kesên ji Yekîtiya Têkoşînê ku pankart vekirin hatin destgîrkirin. Dogûkan ên paşnavê wî nehate zanîn li gel Alî Ekber Eraslan, Hidir Devrîm, Suleyman Çakmak û Pinar Kara hatin destgîrkirin.

Li aliyê Sîlîvriyê jî jina ji aliyê polîsan ve weke gûman hate dîtin hate rawestandin, xwest nasnameya wê kontrol bike. Piştre bi erdê re dirêj kirin û ji pişt ve destê wê kelepçe kirin û destgîrkirin.

LI EMNIYETÊ: 60 KES HENE

Midûryeta Emniyetê ya Stenbolê ragihand ku ji Beyoglûyê heta niha 60 kes destgîrkirine. Ji kesên destgîrkirine 50 ji Beşîktaş, 2ji Beyoglû, 2 ji Şîşliyê destgîrkirine.

LI MALTEPEYÊ JÎ DESTGÎRKIRIN

Li aliyê din 6 kesên ku dema di bendên kontrolê yên ku xwestin biçin tevlî mîtînga li Maltepeyê bibin hatin destgîrkirin.