Li Torontoyê bi 100 wesayitî komploya 15'ê Sibatê hate şermezarkirin
Li bajarê Toronto yê Kanadayê, li dijî komploya navneteweyî ya 15'ê Sibatê bi 100 wesayitî çalakiyeke şermezarkirinê hate lidarxistin.
Meclîsa Gelê Kurd a Demokratîk a Torontoyê, ji bo şermezarkirina komploya navneteweyî ya li dijî Rêberê Gelê Kurd Abdullah Ocalan bi zêdeyî 100 wesayitî roja Duşemê çalakiyek li dar xist.
Kurdistaniyan tevî dostên xwe wêneyên Rêberê Gelê Kurd Abdullah Ocalan bi wesayita xwe ve kirin û tevlî konvoyê bûn. Konvoy bi qasî çar saetan li nava bajêr geriya.
PANELA ONLÎNE YA LI DIJÎ KOMPLOYÊ
Her wiha di salvegera komployê de roja Duşemê piştî çalakiya konvoyê panelek onlîne hate lidarxistin. Parlamenterê berê yê HDP'ê siyasetmedar Kemal Aktaş bû mêvanê panelê û qala bandora siyasî ya komployê û stratejiyên dema nû kir.
