Di 18. Salevegera Komploya Navnetewî ya 9’ê Cotmehê ya li dijî Rêberê Gelê Kurd Abdullah Ocalan li paytexta Swêd a Stockholmê bi çalakiyan destpê kir.

Meclîs Jinan a Kurd a Amarayê li kolana herî şên a Stockholmê, Medborgarplatsenê kon danî. Li ser kon posterên mezin ên Ocalan, alayên PKK’ê hatin daliqandin û her wiha wêneyên komkujiyê yên Bakurê Kurdistanê ku AKP’ê pêk anîbûn jî hatin danîn.

Çalakvanan têkildarî komployê û tecrîda li ser Ocalan ji bo raya giştî ya Swêdê agahdar bike belavok û broşur belav kirin.

Yekîtiya Jinan a Kurd a Sara jî Komploya 9’ê Cotmehê şermezar kirin û bang li Kurdistaniyan û dostên wan kiri ku ew tevlî çalakiyê bibin ku sibe wê were lidarxistin.

SIBEHÊ WÊ LI HUMLEGARDENÊ DESTPÊ BIKE

Sazî û dezgehên Kurdistanî ku di nav wan de Navenda Civaka Demokratîk a Swêd, Meclîsa Jinan a Kurd Amara, Ciwanên Azad jî heyî gelek sazî û dezgehên Kurdistanî ji ber salvegera komployê daxuyanî da û tecrîd û darbeya li ser çapemeniya Kurd, komkujî hatin şermezarkirin.

Rêxistinan xwestin ku hikûmeta Swêd têkiliyên xwe yên bi Tirkiyê re bibire û Ocalan di zûtirîn demê de serbest were berdan, bang li Kurdistanî û parezvanan mafên mirovan hate kirin ku tevlî çalakiya protestoyî ya sibehê bibin.

Çalakiya şermezarkirina komployê sibehê (Şemî) saet 13.00’an li parka Humlegarden wê destpê bike û çalakvan ber bi navenda navçeyê ve wê bimeşin.