Li lokala Navenda Civaka Demokratîk a Kurd ya Parîsê, ji aliyê Komîteya Malbatên Şehîdan a Fransa û tevgera Jinên Kurd a Fransa ve merasîma bibîranînê hat lidarxistin. Malbata Şehîd Nûdem Nûrhak, hevalên wê yê têkoşînê û Kurdistanî beşdarî merasîma bibîranînê bûn.

Di şexsê Nûdem Nûrhak de, ji bo şehîdên Berxwedana Zindanê ya 14'ê Tîrmehê û hemû şehîdên Têkoşîna Azadiya Kurdistanê deqeyek rêz hate girtin. Di merasîmê de malbata Nûdem û hevalên wê yê têkoşînê qala Nûdem kirin û wiha gotin; "Nûdem Nûrhak ji bo azadiyê û ji bo azadiya gelê xwe bi ken diçû mirinê.

Alaya ku Nûdem di têkoşîna azadiyê de bilind kirî, emê nehêlin bikeve erde û em ê têkoşîna wê bihêztir bikîn û bi serketinê tacîdar bikin."

Di merasîma bibîranînê de sînevîzyona ku qala Nûdem Nûrhak dikir hat temaşekirin û çalakiya bibîranînê bi dirûşmeyên 'Şehîd Namirin' bi dawî bû.