Li Kolnê bi ekîbeke ji 327 kesî re xebatên hilbijartinê bi berfirehî tên meşandin.

Li bajarê Elmanya Koln û derdora wê, xebatên ji bo destekkirina HDP'ê di hilbijartinên 7'ê Hezîranê de dewam dikin. Komîsyona ji 27 kesî ya xebatên hilbijartinê bimeşîne civiya û ekîbek ji 327 kesî ava kir. 

 'EM Ê TEŞWÎQÎ DENGDANÊ BIKIN'

Hevserokê Navenda Civaka Demokratîk li Kolnê Tekîn Bûlak got, "Ev ekîb wê li Koln û derdora wê lîsteyên hilbijêran kontrol bike û ji bo bikaranîna dengan teşwîq bike. Komîsyon wê her hefte li hev bicive û der barê xebatên xwe agahiyê bide navenda agahîdayînê."

Di civînê de, ji bo wergirtina agahiyên li ser hilbijartinê, ji Koln û derdora wê re ev nûmaraya telefonê hat aşkerakirin: "022178962629."