13 girtiyên li Girtîgeha Şakranê ku piştî hatin derbkirin dest bi gireva birçîbûnê kiribûn di roja 14’emîn de çalakiya xwe dewam dikin. 15 girtiyên din jî beşdarî çalakiyê bûn.

Li Girtîgeha Şakran Alîaga ya Îzmîrê çalakiya greva birçîbûnê ya bênavber û bêdorveger a 13 girtiyên ku li beşa T-4 dimînin, ku ji aliyê gardiyanan ve bi awayekî giran hatibûn derbkirin, di roja 14’emîn de dewam dike. Îro 15 girtiyên din jî dest bi greva birçîbûnê kirin. Girtiyên ku bi rêya malbatên xwe greva birçîbûnê ragihandin, banga hestyariyê li raya giştî kirin.