Li gelek bajarên Elmanyayê bi armanca protestokirina êrîşên DAIŞ’ê wê çalakî pêk bên.

Navenda Civaka Kurd a Demokratîk a Elmanyayê (NAV-DEM) daxuyaniyek da û diyar kir ku di serî de Elmanya ji bo ku vê bêdengiya cîhanê  biguherin û xwedî li berxwedana Kobanê derkevin divê tevlibûneke bi hêz ji bo van çalakiyan çêbibe.

NAV-DEM’ê da zanîn ku çeteyên DAIŞ’ê ji 15’ê Îlonê û vir ve bi piştgiriya ji dewleta Tirk girtiye li ber çavên hemû cîhanê êrîşî Kantona Kobanê kir û got: “Li ber çavên hemû cîhanê piştgiriya çekan didin çeteyên dijminê mirovahiyê û sînorên xwe heta dawiyê ji çeteyan re vedike."

NAV-DEM’ê da zanîn ku çete bi piştgiriya Tirkiyeyê êrîş dikin û cîhan jî bêdeng van êrîşan temaşe dike. NAV-DEM’ê ji bo çalakiya du rojan a li paytexta Elmanya Berlîn di navbera 25-26’ê Îlonê de pêk tê bang kir û banga tevlibûna bi hêz kir.

Çalakiyên ji îro şûn ve wê li Elmanyayê pêk bên wiha ne;

24’ê Îlonê Çarşem (îro)

Hildesheim: Me ji ber îstasyona navendî saet 17:00’an destpê dike.

25’ê Îlonê:

Frankfurt: Çalakiya Kon– di 25-26’ê Îlonê de wê pêk bê.

 26’ê Îlonê:

Hannover:  Meş ji Steintor saet di 17:00’an de destpê dike.

27’ê Îlonê

Frankfurt: Di navbera saet, 16:00-19:00’an de li Hauptwache wê mîtîng pêk bê.

 Berlîn: Meş û mîtîng li  am U-Bahn Wittenberg Platz saet di 16:00’an de wê destpê bike.

 Kassel: Li  Holländischen Platz saet di 14.30’de wê mîtîngek pêk bê.

Li Dusseldorfê: Meş û mîtîngek wê pêk bê. Meşa ku saet di 14:00’an de wê destpê bike ji bajarên Dusseldorf, Bonn, Wuppertal, Essen, Koln, Dortmund, Bielefeld, Munster, Hagen, Durren, Aachen, Leverkusen wê Kurd tevlî bibin.

 Erfurt: Meş wê saet di 13:30’an de li Erfurt Hautpbahnhof destpê bike.