Polîsan êrîş bire ser çalakgerên ku dixwestin Komkujiya 10’ê Cotmehê şermezar bikin û 71 kes binçavkirin.

Di dema binçavkirinê de polîsan li çalakgeran xist, gelek kesên li kafeyan rûniştî û ti têkiliya wan bi çalakiyê re nebû jî hatin binçavkirin.

Di êrîşa polîsan a bi ser çalakgeran de ku dixwestin li ber Gara Enqerê çalakiya xwe bikin parêzer jî hatin binçavkirin. Hevserokê Komeleya Hiqûqnasên Azad (OHD) Alîşan Şahîn û gelek parêzerên dî jî bi lêdanê hatin binçavkirin.

ÇANAKKALE

Polîsan êrîş bire ser çalakiya bîranînê ya li zanînga 18 Mart’ê ya li Çanakkaleyê û 30 xwendekar bi lêdanê hatin binçavkirin.

STENBOL

Polîsan li Zanînga Stenbolê, li Fakuletaya Edebiyatê êrîş bire ser çalakgeran ku dixwestin komkujiya Enqerê şermezar bikin û 15 xwendekar binçavkirin. Polîsan cara duyê êrîş bire ser çalakgerên li kampûsa navendê û li vir jî  30 xwendekar hatin binavçkirin.

KESÊN KU BI KURDÎ STRAN DIGOTIN HATIN BINÇAVKIRIN

Li Beyoglu ya Stenbolê, li Kolana Istîklalê kMuhammed Ubîn, Sadik Îlter û Oktay Karataş ku şevê dî stran digotin û kesên ku li ber van stranan govend digirtin jî hatin binçavkirin. 5 kesên ku hatin binçavkirin birin Navenda Polîsan a Taksîmê.