Standa agahdarkirinê ji aliyê Yekîtiya Elewiyên Demokratîk, Kongreya Yekîtiya Îslam a Demokratîk, Civaka Îslama Kurdistan, Yekîtiya Ezidiyên Kurdistanê û saziyên endamên Yekîtiya Baweriyên Mezopotamyayê ve hat danîn.

Di çalakiyê de broşur û belavokên balê dikêşîne ser tecrîda li Ocalan hatin belavkirin û di daxuyaniyan de hat ragihandin ku rejîma AKP'ê qirkirinê li ser gelê Kurd dide kirin. AKP vê qirkirinê jî bi tecrîda girankirî ya li ser Ocalan dide nîşandan û banga bilindkirina nerazîbûna li dijî vê yekê hate kirin.

Di çalakiyê de hat gotin ku ji bo rakirina tecrîda li ser Ocalan tê kirin, hemû gelên ji her baweriyê pêwîst e her kes piştgiriyê bidin çalakiyan. Ji bo hevdîtina parêzeran a bi Ocalan re jî hemû hewldanên pêwîst divê were kirin.

Di çalakiyê de wêneyên Ocalan hatin hildan û gelek broşur û belavok hatin belavkirin. Çalakgeran diyar kirin ku heta tecrîda li ser Ocalan neyê şikandin wê çalakiyên wan berdewam bikin.