Berxwedana grêva birçîbûnê li zindanên Kurdistanê û Tİrkiyê ji 27'ê Mijdarê û wir ve didome. Di roja 83'an de ya grêvê de MED-DER'ê (Komeleya Ziman û Çandê ya Mezopotamyayê) ji bo ku balê bikişîne ser tecrîdê û grêva birçîbûnê xwest ku daxuyaniyekê bide.

Polîsên Tirk nehişt ku daxuyanî li ber Bîrdariya Mafê Mirovan a li Parka Koşuyoluyê were dayin.

Ji bo ku polîsan nehişt ku çalakger bikevin nav parkê çalakgeran li nav xeleka polîsan çalakiya rûniştinê kirin.

Rêveberên HDP'ê, MEBYA-DER'ê, TUAY-DER'ê jî li çalakiyê hazir bûn.

Çalakgeran gelek caran gotin, ''Bijî berxwedana zindanan'' û diyar kirin ew xwedî li çalakiya grêva birçîbûnê derdikevin.