Li dêra San Tomasso ya li bajarê Torînoyê yê Îtalyayê di dema ayînê de komeke bi navê Înîsîyatîfa Gel serdana Erdogan a ji bo Vatîkanê protesto kir. Komê di dema ayînê de şaxa zeytûnê dirêj kir û ayîn da sekinandin û diyar kir ku dagirkeriya li ser Efrînê li dijî gel û baweriyan e. Di axaftinan de bal hate kişandin ku li Efrînê Tirkmen, Êzidî, Ereb û Xirîstiyan bi hev re dijîn û dewletên cîhanê li vê êrîşê temaşe dikin. Pankarta ‘Destên Erdogan bi xwîn û qirêjî ye; em Efrînê biparêzin’ di çapemeniya Îtalyayê de jî cih girt.

PROTESTOYA LI VENEDÎKÊ

Li Venedîkê îro organîzasyona bi navê ‘Ya Basta’ (Êdî bes e) û navendên civakî li San Marco Basîlîcayê Erdogan protesto kirin. Di çalakiye de ji ber ku Vatîkanê Erdogan ezimandiye, nerazîbûn nîşanî Vatîkanê hate nîşandan.