Kurdên li bajarê Saratovê, di salvegera 22'an de komploya navneteweyî ya li dijî Rêberê Gelê Kurd Abdullah Ocalan şermezar kirin û diyar kirin ku tecrîda li Îmraliyê dewama komployê ye.
Komploya navneteweyî ya 15'ê Sibatê ku di encamê de Rêberê Gelê Kurd Abdullah Ocalan dîl hate girtin, di salvegera 22'an de li Rûsyayê hate şermezarkirin.
Kurdên li navçeya Krasnîî Kût a li bajarê Saratovê, ji bo şermezarkirina komploya 15'ê Sibatê civînek li dar xistin. Civîn li Mala Çandê pêk hat û gelek kes tevlî bûn.
Serokê Otonomiya Kurd a Krasnîî Kût Bûdakov Ramazan û bi navê Meclîsa Jinê Fatma Kadîrova û Zere Şamoyan axivîn.
Qisekeran diyar kirin ku 15'ê Sibatê ji bo gelê Kurd rojeke reş e û komploya navneteweyî hîn jî dewam dike.
Qisekeran ragihandin ku tecrîda girankirî ya li Îmraliyê dewama komploya navneteweyî ye û hêzên li pişt tecrîdê li dijî Tevgera Azadiyê ya Kurd li pey konsepta tunekirinê ne.
Di civînê de êrişên dagirkeriyê yên dewleta Tirk û nokerên wan hatin şermezarkirin. Ji bo azadiya Rêberê Gelê Kurd Abdullah Ocalan jî banga xurtkirina têkoşînê kir.
