Komên çete yên ku li gundên Til Îd, Becariyê, Uwêniyê, Xirab Esker, Boladiyê û Rihêba Zahir li dijî hêzên YPG'ê windahiyên mezin didin, endamên 2 malbatan revandin û li hemberî YPG'ê kirin mertal.

Li gorî agahiyên ku nûçegihanê ANHA'yê bidest xistine, komên çete yên ku duh serê sibehê êrîşî gundê Til Îd kirin, li hemberî bersivdayîna hêzên YPG'ê têkçûn û paşve reviyan. Lê dema paşve çûn jî endamên 2 malbatên gundê Til Îd revandin û wekî mertal bikar anîn.

Hate ragihandin ku komên çete dema ji gund reviyan ji malbata Îsmaîl kesên bi navê Seyît Îsmaîl, hevsera wî Henîfa, keça wî Nezha û hevserê wê Hîşam û pîra malê Behiya, ji malbata Mecît jî kesên bi navê Resûl Seyît Mecît, hevsera wî Narince, keçên wî Bêrîvan a 25 salî, Rojîn a 23 salî, Hêvî ya 21 salî, Zêrîn a 2 salî û kurê wî Hanî yê 30 salî revandin.

Hate gotin ku çeteyan ev malbat li hemberî YPG'ê wekî mertal bikar anîne û jiwana Resûl Seyît Mecît jiyana xwe ji dest daye.

Endamên malbatê yên din jî hîn di destê komên çete de ne.