Hat ragihandin ku li Girtîgeha Ûrmiyê 3 Kurdên hatin darvekirin.

Li gorî malpera Kurdpayê di vê hefteyê de ji aliyê rejîma Îranê ve li Girtîgeha Ûrmiyê 3 girtiyên Kurd yên bi navê  Çengîz Salih Zadê, Îrac Nesîrî û Qadir Nîk Endîş ji ber sedemên kuştinê cezayê darvekirinê li wan hatibû birîn, hatin darvekirin.

Hat ragihandin ku Çengîz Salih Zadê (30) yê xelkê gundê Dizê  Mirgewer,  Îrec Nesîrî ji xelkê bajarê Çalduran, di 18’ê Kanûnê de  li Girtîgeha Ûrmiyê hatine bi darvekirin. Qadir Nik Endîş yê  xelkê bajarê Dêj di rojên paştir de hatiye bi darvekirin.

Li gorî heman çavkaniyê di nava vê mehê de ji aliyê rejîma Îranê ve 24 girtiyên Kurd yên cezayê bi darvekirinê girtî hatine bi darve kirin.