Yekîneyên Parastina Jin li ser malpera xwe ya fermî daxuyaniyeke nivîskî da û bersiv da îdîayên der barê dîl girtina 2 şervanên jin.

Di daxuyaniya YPJ’ê de ev agahî hatin parvekirin:

“Di hin dezgehên ragihandin û li ser torên civakî de hin nûçe hatine belavkirin û îdîa dikin ku 2 şervanên YPJ li başûrê Cerablusê dîl hatin girtin. 4 şervanên YPG gava bi erkê xwe radibûn ji bo alîkariya birîndaran ketin kemîna artêşa Tirk û komên çeteyan. Lê belê ev îdîayên tên kirin ti rastiya wê nîne, ji derveyî 4 şervanan û 2 nasnameyên şervanên YPJ di destê artêşa Tirk û komên wê de nîne û Yekîneyên Parastina Gel di der barê vê bûyerê de daxuyaniyeke fermî daye. Her 2 şervanên YPJ’ê di nav yekîneyên xwe de ne û li ser erka xwe ne.

Artêşa Tirk û komên çete bi armanca ku îradeya şervanan û gel bişkîne van derew û îdîayên bêkok belav dike, ji bo vê yekê jî îdîa kirin ku 2 şervanên YPJ dîl girtine û her wiha dîmenên dûrî pîvanên mirovahî belav kirin.”