Merasîma li bajarê Qamişloyê bi beşdariya bi sedan kesan bi deqeyek rêzgirtinê dest pê kir. Girseyê cenazeyê şehîd bi gulan û alên Hêzên Komandos xemilandin, bi ber Pakrewangeha Şehîd Delîl Saroxan ve bi rê ketin. 

Endama Meclisa Malbatên Şehîdan Şadiya Îbrahîm di merasîmê de axivî û got: "Bi xwîna pak a şehîdan dara azadiyê şîn dibe. Em wesiyeta Rêber Abdullah Ocalan ji bîr nakin ku dibêje em ê bi xwînê welat av bidin û azad bijîn. Qelenê azadiyê giran e. Li pêşiya mezinahiya şehadetê cihê lawaziyê nîn e. Dirûşma me an serkeftin an serkeftin e."  

Ji fermandarên QSD’ê Aldar Efrîn jî axivî û ser kesayeta şehîd Berxwedan ev tişt anî ziman: “Şehîd Berxwedan bi lehengî wêrekiya xwe dihay nasîn û tirs xisitbû dilê çeteyan. Em soz didin şehîdên xwe ku em ê vegerin Efrînê, bila çavê te rihet razên.”

Kurxalê şehîd Berxwedan, Hemze Mihemed Ebdo jî got: "Ez ê heya dawiyê li du xeta şehîd Berxwedan bim. Em ê xeyalê wî yê rizgarkirina Efrînê bi cih bînin." her wiha birayê şehîd Berxwedan, Bekir Celo jî stranek şoreşgerî got. 

Piştre jî wesîqeya şehîd Berxwedan hat xwendin û radestî malbata wî hat kirin. Cenaze şehîd bi tilîliyên dayikan hate veşartin.