Bi sedan welatiyên Dêrikê cenazeyê şervanê YPG’ê yê ji Amerîkayê Jack Klebs (Delîl Amerîka) ku li Eyn Îsa şehîd bûbû, ji Nexweşxaneya Şehîd Hogir girtin û ber bi Deriyê Sînor ê Sêmalka ve ketin rê.

Hevreyê Klebs û Endamê Tabûra Şervanên Entersayonalîst Tolhildan Ciwan axivî û qala jiyana Jack Klebs kir. Tolhildan soza şopandina rêya şehîdan da.

Hevserokê Konseya Karê Hundir yê Kantona Cizîrê Kenan Berakat jî got, Jack Klebs li Amerîkayê banga biratiya gelan kir û tevlî Şoreşa Rojava bû.

CENAZEYÊ KLEBS BERBÎ AMERÎKAYÊ VE HATE RÊKIRIN

Piştî axaftinan nasnaemya şehîd hate xwendin û radestî hevalên wî yê tabûrê hate kirin.

Cenazeyê Şehîd Delîl Amerîka ji bo şandina Amerîkayê berbi Başûrê Kurdistanê ve hate birêkirin.