Ji bo şervanê YPG’ê Mahmut Zengîn (Brusk Serhed) ê hefteya buhrî li bajarê Qamişlo di şerekî navbera hêzên YPG’ê û çeteyên DAIŞ de rû da jiyana xwe ji dest da li Qelqeliya Wanê mewlûd hat dayîn.

Di mewlûda ji bo şervanê YPG’ê Mahmut Zengîn ê li Rojava di şerekî li hember çeteyên DAIŞ de jiyana xwe ji dest da endamê Meclîsa Partiyê ya HDP’ê Cuneyt Caniş, Serokê Daireya Veguhastinê ya Şaredariya Bajarê Mezin a Wanê Oner Yîgît,  hevşaredarên navçeyan, Serokê MEYA-DER a Wanê Salih Kaplan, endamên Meclîsa Dayikên Aştiyê û bi sedan kes beşdar bûn.

Di axaftinan de banga xwedîderketina li berxwedana Kobanê hatin kirin.

Mewlûd bi duayan û piştî xwarinê bi dawî bû.