Nobedê Komîsyona Jinan a Buyukçekmece ya HDP’ê û Komîsyona Hiqûqê û Mafê Mirovan a Stenbolê ya CHP’ê û Komîsyona Mafê Mirovan a Kadikoyê ya CHP’ê dewre girt. Weqfa Aştiyê, Weqfa Demokrasiya Sosyal, Tevgera Yekbûyî ya Hezîranê ya Bakirkoyê, weşanger Orhan Koçak û nivîskar Saha Oguz jî amade bûn. Di çalakiyê de pankartên wekî ‘’Ramana azad nikare were bêdengkirin’’, ‘’Em di nobeta azadiyê de ne’‘ û ‘’Dem dema hilweşandina dîwaran e’’, hatin vekirin.

DEMÎRER: EM Ê BI HEVGIRIYÊ HEQ JI ROJÊN ZOR DERKEVIN

Heval Asli Erdogan, Hulya Demîrer diyar kir, piştî hewldaneke zêde Erdogan xirqeyek daye Asli Erdogan û got, ‘’Kêfa min hat ku xirqeyê min dane wê. Em ji rojên tarî û giran derbas dibin, em ê bi hevgiriyê heq ji vê derbikevin.'’

PARÊZER TORUN: EM AŞTIYÊ DIXWAZIN

Endamê Komîsyona Hiqûqê û Mafê Mirovan a Stenbolê ya CHP’ê Tûgba Torun jî got, kêşeya herî mezin a Tirkiyê demokrasî ye û got, ‘’Em bi zext û zordariyê re hevrû ne. Em li jî hemû astengiyên li pêş derbirîn, raman, laîktiyê ne. Em li dijî şer û li gel aştiyê ne.’’

PERVAN: DIVÊ HEMÛ NÛÇEGIHAN SERBEST WERIN BERDAN

Endama Komîsyona Jinan a Buyukçemede ya HDP’ê Muzeyyen Pervan jîg ot, ‘’Di navberê de me hinek moral û hilm stand. Lê îro hê jî raman û derbirîn ne azad e. Em dixwazin ku Asli, Nemciye, xebatkarên Ozgur Gundemê û hemû nûçegihan serbest werin berdan.’’

JI ERDOGAN Û ALPYA NAME

Di çalakiyê de nameyên Asli Erdogan û Nemciye Alpya hatin xwendin. Di nameya Alpay de hate gotin, ‘’Kujerê mîtînga aştiyê ya 10’ê Cotmehê ya Enqerê: Kengî wê dilê aştîxwazan rehet be? Yek, dema ku agirbest hate ragihandin, du, dema ku muzakereyan dest pê kir û azadî û heqên sereke hatin qebûlkirin, em ji vê dûr in. Hûn nobedarê aştiyê ne.’’

Erdogan jî spasî da kesên ku piştgirî danê.