Dadgeha Sulh Ceza ya Agiriyê, der barê broşurên danezana HDP'ê ya hilbijartina 1'ê Mijdarê de biryara komkirinê girt. Dadgehê di biryara komkirinê de gotina "Xwerêveberî" hincet nîşan da.

Dadgeha Sulh Ceza ya Agiriyê, der barê broşurên danezana HDP'ê ya hilbijartina 1'ê Mijdarê de bi hinceta gotina "Xwerêveberî" biryara komkirinê girt. Dema endamên HDP'ê yên Aydinê xebatên hilbijartinê dikirin û broşurên HDP'ê belav dikirin, Dozgeriya Komarê ya Aydinê biryar teblîgî endamên HDP'ê kir û xwest li gorî biryarê broşuran kom bike. Lê rêveberên HDP'ê ev teblîgata dozgeriyê îmze nekirin. Ji bo biryara dozgeriyê îtîraz bikin li gel parêzeran çûn dadgehê.