Wezîrê Karên Derve yê Iraqê Mûhammed Alî El Hakîm ji rojnameya NRC Handelsblad a Hollandayî re axivî û diyar kir, qanûnên Iraqê rê nadin ku DAÎŞ'iyên Ewropî yên ji kampên li Bakur û Rojhilatê Sûriyeyê hatine anîn darizîne.

El Hakîm diyar kir ku Iraq tenê dikare DAÎŞ'iyên welatiyê Iraqê darizîne û got, "Em berpirsyariya welatiyên xwe, hevser û zarokên wan hildidn ser milê xwe."

El Hakîm destnîşan kir ku divê welatên Ewropayê jî heman tiştî bikin û got, "Pêşniyara me ya li wan bi vî rengî ye."

Wezîrê Karên Hundir ê Belçîkayê Pîeter De Crem di destpêka meha Cotmehê de bi daxuyaniyekê ragihandibû ku DAÎŞ'iyên biyanî li devera ku sûc kirine divê bên darizandin û bal kişandibû ser Iraqê.

Her wiha Danîmarka, Hollanda, Fransa, Norwêc, Swêd û Îngilistan jî piştgiriya vê pêşniyarê dikin.