Heyeta HDP'ê bi Alîkarê Serokwezîr Numan Kurtulmuş re hevdîtin kir û li bendê ne ku sibê bi Serokwezîr Ahmet Davutoglu re hevdîtinê bikin. Kurtulmuş der barê hevdîtina bi heyeta HDP'ê re tu agahî nedan û got: "Pêvajo wê bi serkeftî bi dawî bibe. Tirkiye wê encama mînak derxe holê."

Heyeta HDP'ê ya bi Rêberê Gelê Kurd Abdullah Ocalan re hevdîtin pêk anî û piştre bi rayedarên KCK'ê re hevdîtin kirin û vegeriyan bi rayedarên hikûmetê re hevdîtinên xwe didomînin. Heyeta HDP'ê îro jî bi Alîkarê Serokwezîr Numan Kurtulmuş re hevdîtin pêk anî û li bendên e ku sibê ji bi Serokwezîr Ahmet Davutoglu re hevdîtinê bikin.

Piştî hevdîtinê Kurtulmuş pirsên rojnamevanan bersivandin. Kurtulmuş, diyar kir ku pirsgirêk a salekê nîn e û wiha got: "Em bi pirsgirêka 90 salan re  eleqedar dibin."

Kurtulmuş, anî ziman ku ji bo çareseriyê tenê çekberdan têrê nake û divê siyaset di bin tehdîtan de nebe û ev yek bê parastin û wiha got: "Pêvajo wê bi serkeftî bi encam bibe. Tirkiye wê encameke mînak derxe holê."