ABDEM li ser pêşveçûnên li Kobanê ku ket nav tevgerê, heyetek şand sînorê Kobanê. Di heyetê de sazî û rêxistinên Ermenî, Asûrî-Suryanî, koçberên Tirkiyeyê, Elewî Êzidî hene.

Meclîsa Aştî û Demokrasiyê ya Ewropa (ABDEM) û Yekîtiya Hêza Demokratîk, di civîna xwe ya 19’ê Îlonê de pêşveçûnên dawî yên li Rojava nirxand û biryara xwedîderketina li berxwedana Kobanê da.

Saziyan diyar kirin ku şervanên YPG/YPJ’ê û gerîlayên HPG/YJA STAR li Şengalê pêşiya komkujiyeke hê mezintir girtine û li Kobanê berxwedaneke bi heman rengî didome.

ABDEM, encamên civînê bi daxuyaniyeke nivîskî ragihand. ABDEM  got, “ABDEM û pêkhateyên Yekîtiya Hêza Demokratîk, bi armanca piştgiriya bi gelê Kobanê re biryar girtiye ku bilez heyetekê bişîne Kobanê.”

Heyeta ji 16 kesan a ji nûnerên gel û saziyên li Ewropa pêk tên îro gihiştin sînorê Kobanê.

Navê sazî û dezgehên di heyetê de cih digirin ev in:

-Nor zartonk Înîsiyatîfa Ermeniyan

-Partiya Guhertina Demokratîk a Mezopotamya (Asurî-Suryanî),

-Federasyona Komeleyên Karkeran a Demokratîk DIDIF

-Federasyona Mafên Demokratîk a Elmanya ADHF

-Federasyona Komeleya Êzidiyan

Konfederasyona Koçberên Bindest a Ewropa AVEG-Kon

-Federasyona Karkerên Tirkiyeyî ya Elmanya ATÎF

-Federasyona Elewiyan a Demokratîk FEDA