Hevseroka Giştî ya HDP'ê Serpîl Kemalbay bi wesîleya Cejna Qurbanê îro peyameke nivîskî belav kir.

Peyama Kemalbayê wisa ye:

"Di vê cejnê de jî ji ber êşên gelên li parzemînên cihê, em xemgîn in. Di vê cejnê de dil û mejiyê me li Rojava, Iraq, Sûriye û Arakanê ye. Têkoşîn û berxwedana wan dike ku em bi hêvî têkevin vê cejnê.

Helwest û berxwedana têkoşerên edaleta civakî, têkoşîna ji bo mafên jinan û têkoşîna parastina mafên mirovan dike ku em di vê cejnê de jî hêvîdar bin.

'DIVÊ CEWHERA CEJNAN DI JIYANÊ DE BI CIH BIBE'

Li hemberî zalimên ku ji bo desthilatdarî û berjewendiyên xwe yên şexsî rê li ber kuştinan ciwanan vedikin û gelan bera ber hev didin, em hestên wijdan û edaletê bilindtir dikin û nirxên mezin ên mirovayetiyê diparêzin.

Em  dixwazin li herêma me û li hemû cîhanê şer û binpêkirina mafên mirovan bi dawî bibin, û aştî û aramî serdest bibe. Em hêviya pevrejiyînê ya ku divê cewhera cejnan di jiyanê de bi cih bibe, bi têkoşîna xwe geştir dikin.

Bi hêvî û hesreta ku demokrasî, wekhevî, azadî û edaletê bi ser bikeve em cejna gelên Rojhilata Navîn û hemû cîhana Îslamê pîroz dikin."