Ji bo gerîlayê PKK'ê Ozgur Şahîn (Reşo) ê di sala 1999'an de dema derbasî Başûrê Kurdistanê dibû jiyana xwe ji dest da, li paytexta Elmanya Berlînê civîneke bîranînê hate lidarxistin.

Di civîna ji aliyê Komîsyona Şehîdan a Navenda Civaka Kurd a Demokratîk a Berlînê ve hat organîzekirin de, dayika Ozgur Şahîn Ayşe Şahîn, bavê wî Haydar Şahîn û xwişk û birayên wî amade bûn. Civîna ku li 36. salvegera damezrandina PKK'ê rast hat, li Komeleya Kurd a li Berlînê pêk hat. 

Di civîna bîranînê de, "Goşeya Şehîdan" a ji wêneyên Reşo û cangoriyên Tevgera Azadiyê ya Kurd ku bi kulîlkan hatibûn xemilandin, hat vekirin. Di civîna bi beşdariya 200 kesî de Xwişka Ozgur Şahîn Aynûr Şahîn peyivî û got, "Ozgur Şahîn, têkoşîneke jê bawer dikir û xwe pê digihand nasnameya xwe, meşand. Şehîd şehîdê me hemûyan e. Ji ber ku em hurmetê nîşanî têkoşîna wî didin, em li vir in."

Însiyatîfa Gel a Kurecîk a Ewropa jî peyamek ji bîranînê re şand. Di axaftinên li civînê de dema tevlîbûna Ozgur Şahîn li nava refên Têkoşîna Azadiyê ya Kurd hat vegotin. Piştî ku nameya Komîteya Şehîdan a PKK'ê ya ji malbata Şahîn re nivîsandibû hat xwendin, Serokê Komîteya Şehîdan a Ewropayê Salih Cizîrî peyivî.

Cizîrî da zanîn ku Tevgera Azadiyê ya Kurd tevgereke şehîdan e û got, "Gelê Kurd ê ku ji bo careke din ranebe ser piyan bi nava betonê de hat veşartin, îro bi berxwedana Şengal û Kobanê re li cîhanê deng vedide. Eger bi şoreşa Rojava re îro gelê Kurd li Rojhilata Navîn bûye hêza diyarker, ev yek bi saya têkoşîna Şehîd Reşo û rêhevalên wî ye."

Di merasîma bîranînê de hunermend Zohre Kûrtalan jî hunera xwe pêşkêş kir.