Şanoya Çiya, di pîrozbahiyên salvegera damezrandina PKK'ê yên li Herêmên Parastinê yên Medyayê de lîstika bi navê "Qirdik û Qeşmer" pêşkêş kir.

Koma Şanoya Çiya ya ser bi Akademiya Çand û Hunerê ya Şehîd Sefkan a TEV-ÇAND'ê dixebite, bi lîstikeke nû derket pêşberî gerîla. Koma Şanoya Çiya di pîrozbahiyên salvegera damezrandina PKK'ê yên li Herêmên Parastinê yên Medyayê de lîstika bi navê "Qirdik û Qeşmer" pêşkêş kir.

Lîstika ji aliyê şanoger Hêvî Şanoger ê li refên têkoşîna azadiyê jiyana xwe ji dest da ve hat nivîsandin, ji aliyê endamên Şanoya Çiya ve hat lîstin. Koma Şanoya Çiya û koma muzîkê ya Awazê Çiya, tevî mercên zivistanê jî, dekor û kostumên xwe avêtin pişta xwe û bi berhemên xwe re derketin pêşberî gerîla.

Koma şano ku îsal cara sêyemîn e derdikeve tûrneyê, bi giştî 37 caran derket ser dikê û mora xwe avêt binê serketineke girîng. Şanoya Çiya li dû lîstikên "Tas" a li ser jiyana Yekta Herekol û "Rojên Germ", bi lîstika "Qirdik û Qeşmer" dawî li werzê anî.

Gerîlayan di nava demeke kurt de 6 caran lîstikên xwe pêşkêş kirin û di dawiya lîstikê de jî beşeke li ser têkiliyên rêhevaltiyê vegotin. Ev beş jî rastî eleqeyeke mezin hat.

Lîstika li ser tevlîbûna 4 kesan li refên gerîla, hem temaşevan kenand hem jî da fikirandin.