Li bajarê Lûdwîgsbûrgê yê Elmanyayê êriş li gorên Elewiyan hate kirin. Yên ku find û sembolên li ser goran şikandin û avêtin, Pêncşemê sixêf li sê jinên serdana Goristana Ost kiribûn û heqaret li nirxên Elewiyan kiribûn. Her wiha xemla melek a li ser gora zarokekî di 5 salî de wefat kir şikandin. Elewiyan diyar kirin ku beriya niha jî êrişên bi heman rengî hatin kirin.

Federasyona Elewiyan a Demokratîk (FEDA) têkildarî êrişê daxuyaniyek da.

Di daxuyaniyê de hate gotin, "Nifşê zordar ê ku mafê jiyanê ya li ser xaka me nedan, bi êrişa li ser goristanan hewl dide tirsê bixin nava mirovan û bitepisînin."

Di dewama daxuyaniyê de hate gotin, "Yên ku bi êrişên li dijî goristanan hewl didin goran talan bikin, ji bîr dikin ku em ê gorên xwe bikin ziyaret û destûrê nedin ku ev hêz bi ser bikevin."