Komîsyona Lêkolînê ya Meclisê ku ji bo nirxandina pêvajoya çareseriyê hate avakirin, endamên wê yên AKP’ê aşkera bûn.

Navê parlementerên AKP’ê yên di komîsyonê de evin: Şêwirmendê Serokwezîrê Tirk Recep Tayîp Erdogan û parlementerê Enqereyê Yalçin Akdogan, Parlementerê Êlihê Zîver Ozdemîr, Parlementera Edeneyê Fatoş Gurkan, Parlementerê Çankiriyê Idrîs Şahîn, Parlementerê Semsûrê Mehmet Metîner, Parlementerê Amasyayê Nacî Bostanci, Parlementerê Wanê Fatîh Çîftçî, Parlementerê Rihayê Abdulkerîm Gok.

Li gorî rêznameya navxweyî ya Meclisa Tirk dê di komîsyonê de 10 endamên AKP’ê hebin û yê BDP’ê jî dê yek be. CHP û MHP’ê gotibû ew dê endaman nedin komîsyonê, BDP’ê jî diyarkiribû ku, pêwîste jimar wekhev be û li hember belavkirina endaman nerazîbûn nîşan dabû.