Li gorî Serokwezîr Ebadî, bi tenî li aliyekî biçûk ê bajêr şerê bi çeteyan re dewam dike.

Serokwezîr Haydar Ebadî diyar kir, Operasyona Rizgarkirina Fellûceyê ya berî 4 hefteyan destpê kir bi ser ketiye û bajar hatiye rizgaririn. Ebadî got, "Li Iraqê cihê DAIŞ'ê nîne" û destnîşan kir, armanca wan a di dorê de Mûsil e.

Rizgariya Fellûceyê ji aliyê Wezareta Parastinê ya DYA ve hat piştrastkirin. Wezaretê da zanîn, navenda bajêr bi temamî hatiye rizgarkirin û bi tenê li hin taxên derve ji bo derxistina çeteyan şer dewam dike.

Li gorî fermandarekî payebilind ê artêşa Iraqê, ji sedî 90 ê Fellûceyê di bin kontrola yekîneyên artêşê de ye.

Fellûce di Çileya 2014'an de ji aliyê çeteyên DAIŞ'ê ve hatibû dagirkirin û çeteyan di ser vî bajarî re dest bi dagirkirina bajarên din ên Iraqê kiribûn.

Li aliyê din, tê îdîakirin ku milîsên Şîa yên di nava operasyona berî 4 hefteyan destpê kir de cih digirin, li hin cihan komkujî kirine. Li gorî agahiyên Human Rights Watch (HRW), li hin kesên hatine binçavkirin îşkence hatiye kirin û 17 kesên ji eşîreke Sûnî hatine qetilkirin.