Rûniştina doza têkîldarî Newroz TV ku 11’ê Cotmehê ji hêla Şîrketa Satalayt a Eûtelsatê hat rawestandin, li paytext Parîsê Fransayê li Dadgeha Tîcaretê hat dîtin.

Li ser navê Televîzyonê Parêzer Jean Louis Malterre axivî, wiha got; “Dewleta Tirk bi rêka RTUK’ê ji bo girtina Newroz TV destpêkê ji şîrketa Eûtelsat a li Swêdê nivîsî. Rayedarên şîrketê yên li Swêdê vê red kirin. Şîrketeke li Fransayê bi destê welatekî din nikare biryarek wisa bigre, pêwîst e di çarçoveya qanûnên Fransa de biryar bê girtin.”

Dadgeh wê biryara xwe 14’ê Mijdarê ragihîne.