Dewleta Tirk a dagirker sewqiyateke nû ber bi Başûr ve pêk anî
Artêşa Tirk a dagirker ji bo dagirkirina xaka Başûrê Kurdistanê, sewqiyata leşkerî didomîne. Duh bi şev di bin çavdêriya hêzên PDK’ê de, karwaneke mezin ber bi navçeya Dêrelokê ve çû.
LIV Û TEVGERA DAGIRKERIYÊ
Li gorî nûçeya ajansa Rojnews’ê, şeva borî di saetên dereng de karwanek mezin a ji çekên giran û leşkerên Tirk pêk dihat, dibin çavdêriya hêzên PDK’ê de ber bi navçeya Amêdiyê ya ser bi Dihokê ve hatin şandin.
Tê diyarkirin ku ev hêz li derdora bajaroka Dêrelok a girêdayî Amêdiyê hatine bicihkirin.
