Komîsyona Hiqûqê ya DBP’ê di daxuyaniya xwe ya nivîskî ya li hember zextên li dijî partiya wan de wiha got: “Her kesên ku li dijî van polîtîkayên desthilatdariya AKP’ê tên, aştîxwaz; bi binçavkirin û girtinan re hevrû tên, hewl tê dayîn ku mûxalefeta civakî bitepisînin.”

Komîsyona Hiqûqê ya DBP’ê daxuyaniyek nivîskî da, li hemberî zext û girtinan nerazîbûn nîşan da. Diyar kir ku desthilatdarî bi zext û girtinan ve dixwaze partiya wan ji derveyî siyasetê bihêle.

Komîsyona Hiqûqê ya DBP’ê bal kişand ser polîtîkayên zextê yên hikûmeta AKP’ê, wiha ragihand: “Hikûmeta AKP’ê, bi polîtîkayên xwe ve dixwaze tirs û panîkekê di civakî de peyda bike, bi vê ve jî hewl dide bingehekî nerîna ku dixwazin bidin pêvajoya siyasî ava bikin.” Di daxuyaniyê de hate bibîrxistin ku AKP’e ji bo afirandina rejîma serokatiyê li Kurdistanê hiqûq binpê kiriye.

Di daxuyaniyê de hat diyarkirin ku bi her cure zextan jî dixwazin bandor û giraniya DBP’ê ya li ser pêvajoyê, di qada siyaseta demokratîk de tine bikin, wiha dewam kir: “Her kesên ku li dijî van polîtîkayên desthilatdariya AKP’ê tên, aştîxwaz; bi binçavkirin û girtinan re hevrû tên, hewl tê dayîn ku mûxalefeta civakî bitepisînin.”

Di daxuyaniyê da hate bibîrxistin ku bi êrîşên herî dawî ya li Erdexanê ya girtinên li hember endamên partî û rêveberan ve dixwazin partiya wan îlegalîze bikin, destnîşan kir ku yên hatine girtin ji derveyî xebatên partiyê bi ti karên din re xerîk nabin.

Di daxuyaniyê de bang hate kirin ku li dijî zext û girtinan piştgiriya DBP’ê bikin.