Ji 9'ê Cotmehê dema destpêkirina êrîşên dagirkeriyê yên dewleta Tirk ên li dijî Bakur û Rojhilatê Sûriyeyê û vir ve li bajarê Hannover ê Elmanyayê çalakî pêk tê.

Kurdistanî tevî dostên xwe îro jî daketin qadan û dagirkeriya dewleta Tirk a li dijî Bakur û Rojhilatê Sûriyeyê şermezar kirin.

Di çalakiyê de pankarta bi nivîsa "bi hev re dinyayê biguherînin" û alên YPG, YPJ û TEV-DEM, QSD 'ê hatin hildan û piştevanî bi berxwedana Rojava re hate kirin.

Belavoka ku FED-DEM'ê der barê mijarê amade kir di çalakiyê de hate xwendin û belavkirin.

Çalakgeran piştî ku bi axaftin û daxuyaniyê peyamên xwe ragihandin ber bi navenda bajêr ve dest bi meşê kirin.

Piştî meşê mîtîngek pêk hat û dagirkeriya dewleta Tirk hate şermezarkirin.