Ciwanên Kurd ên li Ewropayê dijîn, bi boneya şermezarkirina qetilkirina sê jinên Kurd û ji bo aşkerekirina bûyerê dê roja şemiyê 26’ê çileyê li Parîsa paytexta Franseyê meşek mezin li dar bixin.

Meşa ciwanên Kurd ku dê li navenda bajêr bê lidarxistin, dê navnîşana 147 Rue la Fayette ya ku nêzîkê Navenda Enformasyonê ya Kurdistanê ya li Gare du Nord ku her sê jinên Kurd roja 9’ê çileyê têde hatin qetilkirin, saet di 12.00 de dest pê bike.

Organîzatorên meşê bang li rayredarên Frensî kirin ku komkujiyê ronî bikin û berpirsên komkujiyê aşkere bikin û bal kişandin ku bûyereke wiha nikare bê haya polîsên Fransî pêk bê. Ciwanan bang li hemû ciwanên Kurd ên welatparêz, demokrat kir ku tevlî meşê bibin.

Ji bo meşan dê otobusên ji Almanyayê ji van navnîşanan rabin:

DARMSTADT: 25 Çile, di 23:00 de li ber Navenda Enformasyonê ya Kurdistanê

GIESSEN: 25 Çile, demjimêr di 23:00 de, komeleya Kurdan

MANNHEIM/LUDWIGSHAFEN: 25 Çile, demjimêr di 23:00 de Komeleya Çandê ya li bajarê Ludwigshafen

HANNOVER: 25 Çile, demjimêr di 23:00 de îstasyona ZOB-Hannover

HAMBURG: 25 Çile, demjimêr di 21:00 de Termînala Navenda Otobusan (ZOB)

BERLÎN: 25 Çile, demjimêr di 17:00 de li ber Mizgefta Selehedînê Eyubî ya li navnîşana  Karl Max Str. 194 a li Neukölln

DORTMUND: 26 Çile, demjimêr di 00:00 de li ber komeleya Kurdan a li navnîşana Ellerstraße

DUISBURG: 26 Çile, demjimêr di 00:00 de Îstasyona Trenê ya Navenda Duisburgê

WIEN: 25 Çile, demjimêr di 19:00 de li ber Komeleya Kurdan a Viyanayê.