Koordînasyona Ewropayê ya Ciwanên Azad ji bo Festîvala Ciwanan a Mazlûm Dogan a ku wê îsal di 15’ê Tîrmehê de ya 20’emîn were lidarxistin, banga tevlêbûna xurt kir.

Daxuyaniya nivîskî ya koordînasyonê wisa ye:

"Afirînerê destkeftinên me yên îro yên tevgera azadiyê, Rêberê Gelê Kurd Abdullah Ocalan e. Divê neyê jibîrkirin ku vê meşa azadiyê di demên herî dijwar de li ber xwe daye û bi ser ketiye. Ciwanan her dem pêşengiya vê berxwedanê kirine.

Xeta ciwanên Kurd a berxwedêr a ku bi berxwedana mezin a 14’ê Tîrmehê hatiye destpêkirin, îro bi şoreşê didome.

Em ciwanên li Ewropayê dijîn divê em bi awayekî xurt tevlî festîvala Ciwanan a Mazlûm Dogan bibin û bi vî awayî em dikarin layîqî Mazlûm Doganan bibin.

Divê em ciwanên li Ewropayê xwedî li nirxan derkevin û layîqî şîara Rêbertiya Azad û Kurdistana Azad bin.

Em Ciwanên Azad û Jinên Ciwan ên Azad ji bo xwedîlêderketina xeta berxwedanê ya 14’ê Tîrmehê û bi şîara 'Rêbertiyê Azad Bike' em hemû ciwanên Kurdistanê û dostên wan vedixwînin festîvalê'."

Navnîşana festîvala ciwanan ev e: Rûe de la Belle Fleûr 3 á 4670 Blegny- Belçîka