Li gorî biryara YSK’ê ev partî dikarin têkevin hilbijartinê: AKP, BTP, BBP, CHP, DP, HDP, HUDAPAR, ÎYÎP, MHP, SP, VP.

QEDEXEYA ALKOLÊ

Ji bo hilbijartineke ewle ew ê ‘qedexeya alkol, çek û weşanê’ were pêkanîn.

Li gorî vê biryarê di 24’ê Hezîranê de roja Yekşemê ji saet 06.00’an heta 24.00’an ew ê qedexe be ku alkol were firotin û vexwarin.

Di vê çarçoveyê de ew ê tu kes nikaribe çekê bi xwe re bigerîne. Bi hinceta hilbijartinê ew ê qehwexane, qiraatxane û hemû kafeyên înternetê girtî bin.

Li cihên kêfê ew ê bi tenê xwarin were dayîn. Bi şertê ku li gorî rêzikên li jor were tevgerîn piştî saet 18.00’an dawet dikare were kirin.

Heta saet 18.00’an ew ê qedexe be ku hemû radyo û tv têkildarî hilbijartinê şîroveyan bikin û encaman texmîn bikin.

Hemû weşan ew ê piştî saet 21.00’an serbest be. Lê heke YSK pêwistiyê pê bibîne ew ê karibe biryarê bide ku hemû weşan beriya saet 21.00’an serbest were hiştin.