Li Maltepe ya Stenbolê ji bo mîtînga 1’ê Gulanê ji hemû bajarên herêma Marmarê bi sed hezaran kes bi dirûşma ‘’em ê rojên xweş bibînin’’ ber bi qadê ve dimeşin. Ên ku hatin qadê bi zimanên cuda, stranên berxwedanê dibêjin û govendê digirin.

‘’LI DIJÎ ŞER Û MÊTINGERIYÊ BIJÎ YEKÊ GULANÊ’’

Di meşe de li dijî polîtîkayên faşîst helwest tê nişandan. TMMOB’ê got, ‘’li dijî siltaniya we ya tarî siberoj a xwendekaran e’’ û KESK’ê jî got, ‘’BHQ wê biçin em ê bimînin’’. Di kortêja HDP’ê de wêneyên siyasetmedarên girtî hate hildan û pankart û dowîzên bi nivîsa ‘‘Demîrtaş li nav me ye’’ hate vekirin.

XWENDEKAR: LOQÛMA DAGIRKERIYÊ NABE

Xwendekarên ku di hedefa faşîzma AKP-MHP’ê de ne gotin, ‘’Em ê te nekin serok’’ û ‘’loqûma dagirkeriyê, komkujiyê nabe’’ û wêneyên hevalên xwe yên girtî hildan.