Piştî biryara berdana Serokwekîlê Koma HDP’ê Îdrîs Balûken wekîla Edene ya HDP’ê Meral Daniş Betaş bang li Enqerê kir û got: ‘’Hevalên em yên wekîl û Hevserokên me yên Giştî berdin.’’

Beştaş diyar kir ku cihê kêfxweşiyeyê ku Balûken azad bûye û diyar kir ku Hevserokên wan û wekîlê wan li girtîgehê di tecrîdê de ne.

Beştaş diyar kir ku bi berdana siyasetmedarên Kurd, Tirkiye wê ji vê şermê xilas bibe û û wiha pê de çû: ‘’Êdî em dixwazin ji edliyayan derkevin. Em naxwazin bi polîsan re muxatab bibin. Em naxwazin li pêş darazê siyasetê bikin.’’

Beştaş bal kişande ser giringiya pêşîgirtina dubendiya civakî û ji Enqerê re ev tişt got: ‘’Wekîlên me û Hevserokên me demildest berdin.’’

Beştaş herî dawî wiha anî ziman: ‘’Eger bi rastî jî tê xwestin ku referandûm pêk were, di şertên dadmend û wekhev de bila Yuksekdag û Demîrtaş û wekîlên me bigihijin gel, di qenalên televîzyonan de divê bikaribin biaxivin.’’