Êrîşên dagirkeriyê yên li dijî Efrînê di roja 43'yê de bi dijwarî didomin. Li eniyên Şera, Raco û Cindirêsê şerekî dijwar diqewime. Hûn dikarin rewşa dawî ji bloga me ya zindî bişopînin.
22:28
Di şerê dijwar ê navbera şervanên YPG/YPJ'ê û artêşa Tirk û çeteyê wê li navçeya Cindirês a Efrînê qewimî de, herî kêm 12 leşker û çete hatine kuştin.
Li gorî çavkaniyên hatî sitandin, şervanên YPG/YPJ’ê li gundê Hemîlkê li dijî leşker û komeke çeteyan çalakiyek lidar xistin. Di çalekiyê de 3 çete hatin kuştin 5 çete jî birîndar bûn.
Li gundê Hecîlera jî leşkerên Tirk bûn hedefa şervanan, di şerê qewimî de 7 çete û 2 leşker hatin kuştin.
22:26
YPG, dîmenên wesayîta artêşa Tirk a tipa BMP a di navbera gundên Çema û Omera ya girêdayî navçeya Şera ya Efrînê de hate rûxandin weşand.
19:42
Li sê eniyên Efrînê bi dijwarî şer diqewimin. Şerê li navenda Raco û Şera û gundên Mabetayê jî dom dike. Li gundê Moseka yê Racoyê 9 endamên JOH û POH’ê hatin kuştin.
18:33
Balafirên şer ên artêşa Tirk a dagirker gundê Behdîna ya Mabatayê bomberdûman dike. Di encama bomberdûmanê de ziyanên mezin gihişte malên gundiyan…
17:30
Navenda Raghandin û Çapemeniyê ya QSD`ê bi daxuyaniyeke nivîskî bîlançoya şerê 24 saetên dawî eşkere kir û diyar kir ku 5 wesayîtên leşkerî hatine rûxandin û bi dehan leşker û çete hatine kuştin. Dîsa QSD’ê ragihand ku artêşa Tirk û çeteyê wê welatiyên sivîl rast e rast dikin hedef.
16:18
Navenda Çapemeniyê ya YPG’ê dîmenên kêliyê teqandina wesayîta leşkerî ya li gundê Celemê ya navçeya Cindirês a Efrînê parve kir.
15:54
Artêşa Tirk a dagirker û çeteyên wê warên welatiyên sivîl bi berdewamî dikin hedef. Li Şerayê 5 sivîl şehîd bûn.
Artêşa Tirk a dagirker gundê Meşalê ya girêdayî navçeya Şera ya Efrînê bombe kirin.
Li gorî agahiyên destpêk hate girtin, di encama bomberdûmanê de 5 welatiyên sivîl şehîd bûne.
Hat ragihandin ku sivîlên birîndar jî hene.
Tevgera hewayî ya li herêmê hê jî dom dike.
15:23
Balafirên artêşa Tirk a dagirker gundê Bedîna yê navçeya Mabata bombebaran dike.
15:17
Şervanên YPJ û YPG‘ê li gundê Baflonê a navçeya Şera erebeyek din a doçka ya artêşa Tirk rûxandin.
Li gundê Baflonê û Çema bi dijwarî berdewam dike.
14:45
Li gundê Celemê yê navçeya Cindirêsê ya Efrînê wesayîta bi doçka ya artêşa Tirk a dagirker û çeteyên wê ji aliyê şervanên QSD’ê ve hate îmhakirin.
Tê payîn ku dîmenên îmhakirina wesayîta bi doçka di saetên pêş de were belavkirin.
14:45
Li gundê Celemê yê navçeya Cindirêsê ya Efrînê wesayîta bi doçka ya artêşa Tirk a dagirker û çeteyên wê ji aliyê şervanên QSD’ê ve hate îmhakirin.
Tê payîn ku dîmenên îmhakirina wesayîta bi doçka di saetên pêş de were belavkirin.
14:34
14:27
Balefirên şer ên artêşa Tirk a dagirker navçeya Şerayê û gundên Sînka, Çema û Baflonê bomberdûman dike.
13:49
Artêşa Tirk a dagirker navçeya gundê Mirkan a navçeya Mabetayê û navçeya Mabetayê bi obusan topbaran dike. Li gorî agahiyên destpêkê gelek sîvîl li vê derê birîndar bûne.
13:02
12:48
12:14
Li derdora navenda bajarê Racoyê, di navbera şervanên YPJ/YPG‘ê û artêşa Tirk a dagirker û çeteyên wê şer giran e..
11:34
11:33
Şervanên YPG û YPJ‘ê li gundên Baflonê û Çema yên navçeya Şerayê wesayîteke leşkerî ya Mekzemîn ya çeteyan rûxandin. Hate ragihandin ku gelek kuştî û birîndarên dagirkeran hene, li aliyê din miqtarek cebilxane kete destê şervanan.
11:23
