Artêşa Tirk di êrîşên dagirkeriyê yên li ser Efrînê de, li nêzî gundê Gora yê navçeya Racoyê yê yekîneyên Qiwat Şebî (Hêzên Gelêrî) yên girêdayî artêşa Sûriyeyê kir hedef. Di bomberanê de 10 endamên Hêzên Gelêrî jiyana xwe ji dest dan.
Fermandariya Giştî ya Yekîneyên Parastina Gel (YPG) têkildarî êrîşê daxuyanî da û wiha got; "Artêşa Tirk a dagirker û çteyên wê li dijî berxwedana hêzên YPG û YPJ'ê derbên giran dixwe. Hêzên YPG û YPJ'ê herî dawî duh li gundê Bilîlka yê navçeya Racoyê bi dehan endamên hêzên taybet yên artêşa Tirk kuştin û birîndar kirin. Şervanên me dîsa di êrîşa li ser gund de helîkopteraek xistibûn.
Artêşa Tirk a dagirker piştî vê derbeya xwarî bi dijwarî navçeyên Şera û şiye, herêma Raco û Cindirêsê bombebaran kir. Artêşa Tirk a dagirker di van êrîşan de nûqteyên yekîneyên Qiwat Şebî yên girêdayî artêşa Sûriyeyê yên li gundê Kefer Sefrê yê Cindirêsê û gundê Çema yê Şerayê kir hedef. Di encama bombeberanê de 10 endamên Qiwat Şebî şehîd bûn û 6 endam jî birîndar bûn.
Em weke şervanên YPG'ê yên li Efrînê ji fermandariya Qiwat Şebî û ji hemû malbatên şehîdan re sersaxî dixwazin û ji bo birîndaran şifaya xêrê dixwazin.
Li dijî êrîşên dagirkeriyê yên dewleta Tirk em soza domandina têkoşîn û berxwedanê didin gelê xwe."
