Balafirên şer ên rêjîmê îro taxa Şêxmeqsûd bombebaran kir. Hate gotin ku di encamê de 4 sivîlên ji heman malbatê birîndar bûne û derdora 10 malan hilweşiyane.

Balafirên şer ên rêjîma Baas Îro saet di 10.00'an de kolana El-Muxaberat a Taxa Şêxmeqsûd a Helebê bombebaran kirin. Di encama bombebaranê de welatiyên bi navê Mihemed El-Rîhanî, Mihemed Ebdulrehman El-Rîhanî, zarokê di pêçekê de Beşîr Elrîhanî û kesekî navê wî nehat fêrbûn û ji heman malbatê ne birîndar bûn.

Hate ragihandin ku di bombebaranê de derdora 10 xaniyan jî bi temamî hilweşiyan e.

Ev 3 roj in balafirên rêjîmê taxa Şêxmeqsûd bombebaran dikin. Di encama bombebarana rojên berê de 3 sivîlan jiyana xwe jidest dabûn û 9 kes jî birîndar bibûn. Birîndar rakirin nexweşxaneyên bajarê Kilis ê Tirkiyê.