Di kongreya Navenda Civaka Demokratîk a Kurd a Dalarnayê de biryar hatibû dayin ku çalakiyên li dijî tecrîdê bi rengekî bê navber bên lidarxistin. Doh dora çalakiyê ya Komîteya Rêxistinbûnê ya Navenda Civaka Demokratîk a Kurd a Borlange bû.

Endamên komîteyê êlekên spî yên ji wêneyên Leyla Guven li xwe kirin û li navenda bajêr belavok belav kirin. Afîşên ji bo piştgiriya bi berxwedêrên greva birçîbûnê hatin amadekirin, li dîwaran hatin zeliqandin.

Hevserokê Navenda Civaka Demokratîk a Kurd a Borlangeyê Şefîk Agirî ji ANF'ê re axivî û bi bîr xist ku Leyla Guven û berxwedêrên din ên greva birçîbûnê li asta krîtîk in û banga çalakiyan li Kurdistaniyan kir. Agirî ji Kurdistanî û dostên wan xwest ku tevlî kampanya li dijî tecrîdê bibin.