Siyasetmedarê Kurd Mûstafa Çelîk ku Mijdara sala par li Bremenê hatibû binçavkirin, li gorî qanûna cizakirine, xala 129 b’yê bi îdîaya ku ‘Li derveyî welat endamê çalak ê rêxistinê ye’ li Dadgeha Bilind a Eyaletê ya Celleyê dihate darizandin. Di hinceta biryara îro de tê gotin, Çelîk ji 2013’n ve li Oldenbûrg û Hambûrgê yên Elmanya weke rêveberê PKK’ê xebat kirine.

BAL KIŞANDIBÛ SER TECRÎDÊ

Çelîk ê 39 salî, di rûniştina pêşî de bal kişandibû ser tecrîda li ser Rêberê Gelê Kurd Abdullah Ocalan. Çelîk ji ber sedema ku li hemberî tecrîdê bêdeng mane, DMME û CPT şermezar kiribû û gotibû, li gel hemû pêşniyarên çareseriyê yên gelê Kurd Erdogan û ekîba wî di şer de israr kirine û şer dane destpêkirin. Çelîk diyar kir,’’yên ku li hemberî vê hovîtiyê bêdeng bimîne hevparê vê hovîtiyê ye’’ û wiha pê de çûbû, ‘’Heke hûn naxwazin bibin hevparê vî sûcî, daxwazên gelê Kurd ên demokratîk û yasayî û mafdar bibînin.’’

DOZA KENAN BAŞTÛ

Têp ayin ku siyasetmedarê Kurd Kenan Baştû ku ji Hezîranê ve li Dadgeha Bilind a Eyaletê ya Celleyê tê darizandin, 1’ê Îlonê saet 09.00’an biryarê bide. Di îdîanameya dozgeriyê de, tê gotin Baştû, salên 2014-2015’an li herêmên Hannover û Sachsenê bi awayekî çalak rêveberiya PKK’ê kiriye. Li Elmanya 12 siyasetmedarên Kurd ji endamtiya PKK’ê girtî ne.