Kolberên ku dewleta Tirk timî êrîşî wan dike, duh bi şev bûn hedefa dewleta Tirk.
Çavkaniyên herêmî gotin, artêşa Tirk duh bi şev saet di 21:00 de, li sêgoşeya Bakur, Başûr û Rojhilatê Kurdistanê êrîşî kolberan kir.
Êrîş ji girên Tetê Sêlê û Şikêrê û alaya Garê yên li navçeya Şemzînan a Colemêrgê hate kirin. Ji ber êrîşê 2 kolber birîndar bûn.
Çavkaniyên herêmî ragihandin, ku êrîş bi "topên xarik, çekên giran ên A-4 û A-8 hatiye kirin". Tê gotin, ku rewşa yek ji birîndaran giran e. Her wiha 8 hesp û hêstirên kolberan jî di êrîşê de hatin kuştin.
Wekî din, saet di navbera 09:00 û 11:00 de ji heman herêmê top û hawan li Girê Koordîne û Qebra Zahîr hatin barandin.
Navçeya Şemzînan a Colemêrgê li navenda sêgoşeya sînorên dewletên Tirkiye, Iraq û Îranê ye.