Tirkiye ji Lîbyayê çeteyan vediguhêze Rûbarokê
Artêşa Tirk a di operasyonên dagirkeriyê de ya li Başûrê Kurdistanê windahiyên mezin didin, çeteyên ji Lîbayayê vediguhêze Rûbarok (Derecik) ji bo li Herêmên Parastinê yên Medyayê bidin şerkirin.
Li gorî nûçeya Ajansa Nûçeyan a Mezopotamya, 560 çete, ji bo tevlî operasyonên li Zap, Metîna û Avaşîn bibin, ji bo Rûbarok a Colemêrgê hatine veguhestin.
Destpêkê endamên Artêşa Sûriye ya Azad (OSO) ên perwerdehiyên taybet dîtin, piştre pêşmergeyên Roj û leşkerên Artêşa Iraqê û pêşnergeyên PDK’ê tevlî bûbûn. Herî dawî jî cerdevanên ku bi darê zorê şandin operasyonê, niha jî endamên OSO tên sewqkirin.
Li gorî nûçeya MA’yê, koma ji 560 çeteyên OSO ku Tirkiye ji Lîbyayê anî, ji bo tevlî operasyonê bibin, li yekîneya leşkerî ya li navçeya Robarûk a Colemêrgê hatiye bicihkirin. Berî niha nêzîkî hezar endamên OSO li navenda Tirk a li Bamernê hatibûn bicihkirin.
