Serokwezîrê Iraqê li Hewlêrê ye: Wê biçe gundên hatine bomberdûmankirin
Serokwezîrê Iraqê Mûstafa El Kazimî wê biçe serdana gundên Amêdiyê yên ku hatibûn bomberdûmankirin.
Serokwezîrê Iraqê Mûstafa El Kazimî wê biçe serdana gundên Amêdiyê yên ku hatibûn bomberdûmankirin.
Dema ku dewleta Tirk a dagirker êrîşên xwe didomand, Serokwezîrê Iraqê Mûstafa El Kazimî çû serdana Hewlêrê.
Serokwezîrê Herêma Kurdistanê Mesrûr Barzanî çû pêşwaziya Kazimî. Li gorî daxuyaniyên Herêma Federal a Kurdistanê Wezîrên Karê Derve, yên Parastin, Petrol, Koçberî û rayedarên din di nav heyeta Bexdayê de ne.
Kazimî wê bi Serokê PDK’ê Mesûd Barzanî û Serokwezîr Mesrûr Barzanî re bicive. Kazimî wê piştre biçe Deriyê Sînor ê Îbrahîm Xelîl.
Tê payin ku Serokwezîrê Iraqê wê biçe kampeke Êzidiyên koçber û biçe gundên Amêdiyê yê ku dewleta Tirk bomberdûman kiribû.
Piştî ku Serokê Herêma Federal a Kurdistanê Nêçîrvan Barzanî çû serdana Enqereyê, ev serdan pêk hat.
Derbarê naveroka hevdîtinan tu agahî nehate dayin. Lê dema ku serdana El Kazimî didomiya, êrîş û dagirkeriya dewleta Tirk didomiya.