Qeyûmê rejîma AKP'ê, piştî ku dest danî ser Şaredariya navçeya Erdîş a Wanê, hemû park û peykerên ku di dema Şaredariya DBP'ê de hatibûn çêkirin û çanda gelê herêmê temsîl dikir, qeyûmê tev rûxandin. Rêya ku qeyûm îro ji bo astengdaran çê dike, sosretiyên wê naqedin. Li ser rêya astengdaran trafoyên ceryanê, dar, dîwarên betonî û çal hene. Rêya li ser Kolana Wanê hatiye çêkirin, ji her 20 metreyî cihekî astengiyek tê dîtin. Rêya li derveyî navçeyê dest pê dike û heta tê navenda bajêr, mirovekî ku çavên wî bibînin jî wê bi zor û zehmetiyan xwe bigihîne navendê. 

Li ser rê mirov carna rastî trafoya ceryanê, carna rastî darekî, carna jî rastî çaleke 2 metreyî kûr tên. Kolan û kuçeyên bajêr jî ji xwe esnafan dagir kiriye û welatî di derbasbûnê de zehmetiyan dikişînin.