Li navçeya Ranya ya Başûrê Kurdistanê doh êvarê daxuyaniyek hate dayin û qetilkirina endamê Encûmena Giştî ya Tevgera Azadî Sûheyl Xûrşîd Ezîz ku bi navê Mamosta Şemal dihate naskirin, hate şermezarkirin.

Di çalakiyê de Endamê Encûmena Tevgera Azadî Seyîd Xalid axivî û got: "Destê faşîzma Tirk bi hevkariya xayînên navxwe gihişt ser kesayetê azadîxwaz û rewşenbîr Mamosta Şemal."

Seyîd Xalid da zanîn ku bêdengiya li beramberî xiyanet û terora ku li Başûrê Kurdistanê tê kirin, dibe sedem destê terorê bigihe ber deriyê mala her kesên azadîxwaz.

Her wiha ji tevayî welatiyan, nivîskar, rewşenbîr û azadîxwazan xwest ku êdî bêdeng nemînin û li dijî qetilkirina azadîxwazan helwestek cidî nîşandin.

Di dawiyê de jî Seyîd Xalid ji îdareya Germiyanê û saziyên ewlehiyê xwest ku di zûtirîn demê de tawanbaran bibînin û ceza bikin.